ანტონიო კონტემ, რომელსაც იტალიის ნაკრების მწვრთნელობის ერთ-ერთ მთავარ კანდიდატად ასახელებდნენ, ქვეყნის ფეხბურთის ფედერაციის ვიცე-კომისიონერს, ალესანდრო კოსტაკურტას განუცხადა, რომ "ჩელსისთან" კონტრაქტის ბოლომდე შესრულება სურს.

"დიახ, კოსტაკურტას შევხვდი. მე და ალესანდრო 1994 წელს ნაკრებში ერთად თამაშის პერიოდიდან ვმეგობრობთ და ის სკუადრა აძურას ჩაბარებას მართლაც მთავაზობდა. მაგრამ, ალბათ, დაავიწყდა, რომ "ჩელსისთან" კიდევ 18-თვიანი კონტრაქტი მაკავშირებს და მის ბოლომდე შესრულებას ვაპირებ." - ციტირებს კონტეს Football Italia.

"ჩელსის" დამრიგებლის გარდა, იტალიის ნაკრების მთავარი მწვრთნელის პოსტზე კიდევ სამი სპეციალისტი განიხილება: კარლო ანჩელოტი, კლაუდიო რანიერი და რობერტო მანჩინი.скачать dle 10.5фильмы бесплатно